İZMİRDƏ QİDADAN ZƏHƏRLƏNMƏ QEYDƏ ALINMIŞDIR
AZƏRTAC-ın müxbirinin aldığı məlumata görə, zəhərlənməyə səbəb şəhərin restoranlarından birində satılan ət məhsulu olmuşdur. Laboratoriya analizi nəticəsində bu məhsulda dana, at və donuz əti qarışığının olduğu müəyyən edilmişdir. Vilayətin hüquq mühafizə orqanlarının işçiləri restoranı və ona ət satan qəssab dükanını bağlatmış, sahiblərini məsuliyyətə cəlb etmişlər.
İzmirin 9 Sentyabr Universitetinin rektoru, professor Emin Alıcı xəstələrin tibb fakültəsinin xəstəxanasında müalicə edildiyini, vəziyyətin nəzarət altında olduğunu bildirmişdir. Rektor demişdir ki, xəstəxanada aparılmış analizlərin nəticələri Romaya Beynəlxalq Trişinelloz Mərkəzinə də göndərilmişdir. Hazırda xəstələrin müalicəyə reaksiyası müsbətdir.
Bölmənin digər xəbərləri
