İZMİRDƏ TERROR AKTI TÖRƏDİLMİŞDİR
AZƏRTAC-ın xüsusi müxbiri xəbər verir ki, avqustun 21-də Türkiyənin İzmir şəhərinin Konak rayonunda uzaqdan idarə olunan plastik bombanın partladılması nəticəsində 13 nəfər, o cümlədən 3 hərbçi və 8 polis yaralanmışdır. Onlardan birinin vəziyyəti daha ağırdır.
Şəhər valisinin bildirdiyinə görə, terrorçular bombanı yaşayış binasının qarşısında dayanmış avtomobildə yerləşdirmişlər. Bomba hərbçi və polislərin hava limanına getdikləri zaman partladılmışdır.
Xatırladaq ki, üç gün əvvəl də Mərsin şəhərində bombanın partladılması nəticəsində 12 polis nəfəri yaralanmışdı. Polis bu terror aktlarının bir təşkilatın işi olduğunu ehtimal edir.
Bölmənin digər xəbərləri
