ELM VƏ TƏHSİL
K-means alqoritminin eksperimental nəticələri müzakirə edilib
Bakı, 16 dekabr, AZƏRTAC
AMEA İnformasiya Texnologiyaları İnstitutunda “K-means alqoritminin eksperimental nəticələrinin müxtəlif indekslər üzrə qiymətləndirilməsi” mövzusuna həsr olunan onlayn elmi seminar keçirilib.
İnstitutdan AZƏRTAC-a bildirilib ki, məruzəni təqdim edən Eltun Əhmədov ənənəvi proqramlaşdırma, maşın təlimi, klassifikasiya, klasterləşmə metodları, “K-means” alqoritminin işləmə prinsipi, verilənlər çoxluğunun növləri, qiymətləndirmə indeksləri və aparılan eksperiment barədə məlumat verib. O, “Siluet”, “Davies-Bouldin” və “Dunn” indeksləri haqqında danışıb, aparılan eksperimentin nəticələrini diqqətə çatdırıb.
Sonda məruzə ilə bağlı fikir mübadiləsi aparılıb, suallar cavablandırılıb. Tədqiqatların daha da dərinləşdirilməsi ilə bağlı təklif və tövsiyələr səsləndirilib.