Kahramanmaraşda 4,4 maqnitudalı zəlzələ olub
Ankara, 19 oktyabr, AZƏRTAC
Oktyabrın 19-da Türkiyənin Kahramanmaraş vilayətində 4,4 maqnitudalı zəlzələ baş verib.
AZƏRTAC Türkiyə Hökumətinin Fövqəladə Hallar İdarəsinə (AFAD) istinadla xəbər verir ki, yeraltı təkanlar yerli vaxtla saat 14:41-də qeydə alınıb.
Zəlzələnin episentri Dulkadiroğlu rayonunda, ocağı isə 10,53 kilometr dərinlikdə yerləşib.
Tələfat və dağıntılar barədə məlumat verilmir.
Bundan əvvəl, şənbə günü səhər saatlarında Aralıq dənizində - Türkiyənin cənub-qərb sahillərində 4,8 maqnitudalı zəlzələ olub.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
