Kaliforniyanın yanmış Santa Roza şəhərinin videogörüntüləri VİDEO
Bakı, 13 oktyabr, AZƏRTAC
Fotoqraf Duqlas Tron Kaliforniyada meşə yanğının tamamilə məhv etdiyi Santa Roza şəhərinin dron vasitəsilə videoçəkilişini aparıb.
AZƏRTAC xarici KİV-lərə istinadla xəbər verir ki, videoçəkilişdə Amerikanın poçt xidmətinin əməkdaşının boş küçə ilə hərəkət edərək məktubları yanmamış poçt qutularına qoyması əks olunub. Şəhərin bir hissəsində bütün evlər və avtomobillər tamamilə yanıb. Digər bir hissəyə isə xətər toxunmayıb.
Videoçəkilişin ortasında poçtalyonun bir tərəfi yanaraq kül olan, digəri isə salamat qalan evlərin olduğu küçədən keçməsi aydın görünür.
Son məlumatlara görə, Kaliforniyada meşə yanğınları nəticəsində ölənlərin sayı 31 nəfərə çatıb, 3,5 mindən çox bina məhv olub. Bir neçə yüz insan itkin düşmüş sayılır.
Bölmənin digər xəbərləri
