KALUQADA AZƏRBAYCAN RƏSSAMININ FƏRDİ SƏRGİSİ AÇILMIŞDIR
Rəssamın yubileyinə həsr edilmiş sərgidə onun sulu boya ilə işlədiyi, qrafik və mənzərə rəsmləri “65 il uzunluğunda çay” adı altında birləşdirilmişdir. Əslən bakılı olan Sadıq Bağırov Azərbaycandan Kaluqaya 27 il əvvəl köçmüşdür. Ötən illər ərzində Sadıq İman oğlu iki ixtisaslaşdırılmış rəssamlıq təhsili almışdır. O, boyakarlığın sirlərinə Rusiyada yiyələnmiş, qrafikanın əsaslarını isə Ukraynada öyrənmişdir.
Təsadüfi deyil ki, Bağırovun yaradıcılığında akvarel, qravüra, karandaş rəsmləri, interyer layihələri geniş yer tutur. Bundan başqa, o, zəngin müəllimlik təcrübəsinə də malikdir. Ustadın əsərlərinin bir hissəsi ABŞ, Braziliya, Rusiya, Ukrayna və bir çox Avropa ölkələrində şəxsi kolleksiyaları bəzəyir.
Sənətkarın indiki sərgisi seriyalara bölünmüşdür: “Mənim Kaluqam”, “Mənim Azərbaycanım”, Kaluqa torpağına həsr olunmuş “Tarusa”, “Köhnə Riqa”, “Mənim ailəm” və s. Sərgidə 150-dən çox əsər nümayiş etdirilir. Onlardan birini rəssam 27 ildir çəkir və özünün dediyinə görə, başa çatdırmağa hələ neçə illər gərəkdir.
Bölmənin digər xəbərləri
