Kamal Quliyev: Yenidən “Neftçi”də olduğum üçün xoşbəxtəm
Bakı, 4 avqust (AZƏRTAC). Əlimdən gələni edəcəyəm ki, klub rəhbərliyinin mənə göstərdiyi etimadı doğruldum. Bacardığım qədər “Neftçi”yə xeyir verməyə çalışacağam.
AZƏRTAC xəbər verir ki, bu sözləri Bakının “Neftçi” futbol klubuna yeni təyin olunmuş məşqçi-seleksiyaçı Kamal Quliyev demişdir.
K.Quliyev bildirmişdir ki, ilk növbədə bizim kimi karyerasını başa vurmuş futbolçuları komandaya cəlb etdiyinə görə klubun prezidenti Sadıq Sadıqova təşəkkür edirəm. “Neftçi”də çalışmaq mənim üçün böyük şərəfdir. Mən 1996/1997-ci il mövsümündə flaqmana futbolçu kimi gəlmişdim və bununla fəxr edirdim. Uzun müddət sonra doğma komandaya məşqçi-seleksiyaçı kimi qayıtdığım üçün də qürur duyuram. Bu komanda mənə çox doğmadır. Yenidən “Neftçi”də olduğum üçün xoşbəxtəm.
Bölmənin digər xəbərləri
