Kapital Bankda 20 Yanvar şəhidlərinin xatirəsi anılmışdır
Bakı, 21 yanvar (AZƏRTAC). “Kapital Bank” ASC-nin Baş ofisində 20 Yanvar şəhidlərinin xatirəsini anım mərasimi keçirilmişdir. Azərbaycanın müstəqilliyi və ərazi bütövlüyü naminə qurban getmiş şəhidlərin xatirəsi bir dəqiqəlik sükutla yad edilmişdir.
AZƏRTAC xəbər verir ki, çıxışlarda 1990-cı il yanvarın 19-dan 20-ə keçən gecə sovet qoşunlarının Bakıda törətdiyi qırğınların xalqımıza və bütünlükdə bəşəriyyətə qarşı yönəlmiş qanlı cinayət olduğu qeyd edilmiş, 20 Yanvar faciəsi Azərbaycanın milli dövlətçilik tarixinin qəhrəmanlıq səhifəsi kimi səciyyələndirilmişdir.
Diqqətə çatdırılmışdır ki, bu hadisəyə ilk siyasi qiymət həmin dövrdə Moskvada yaşayan ümummilli lider Heydər Əliyev tərəfindən verilmiş və Ulu Öndər öz bəyanatı ilə imperiyanın xalqımıza qarşı yürütdüyü ikili siyasəti ifşa etmişdir.
Mərasimdə o da qeyd edilmişdir ki, 20 Yanvar Azərbaycan tarixinin həm qanlı, həm də şanlı səhifəsidir. Xalqımız öz qəhrəman övladları ilə fəxr edir və onları heç zaman unutmayacaqdır.
Bölmənin digər xəbərləri
