KƏND TƏSƏRRÜFATI MƏHSULLARININ İSTEHSALI ARTMIŞDIR
Kənd Təsərrüfatı Nazirliyi Baş Bitkiçilik İdarəsinin rəisi Sabir Vəliyev AZƏRTAC-ın müxbirinə bildirmişdir ki, havaların əlverişsiz keçməsinə baxmayaraq, ötən illə müqayisədə bu il taxılın təxminən 43 min ton, pambığın 20 min ton, tütünün 1,8 min ton, kartofun 31 min ton, tərəvəzin 4 min ton, bostan məhsullarının 4 min 500 ton, şəkər çuğundurunun 17 min ton, meyvənin 8 min ton, üzümün 5 min ton, çay yarpağının 256 ton çox olacağı gözlənilir. Nəzərdə tutulan bu artım tamamilə realdır və ilk növbədə kənd təsərrüfatında aparılan islahatların, sahibkarlığın və fermer təsərrüfatlarının inkişafına göstərilən dövlət qayğısının bilavasitə nəticəsidir.
Bölmənin digər xəbərləri
