REGİONLAR
Kənd təsərrüfatı nazirinin müavini Şəmkirdə vətəndaşların müraciətlərini dinləyib
![](/files/galleryphoto/2023/3/1200x630/16975309365284421132_1200x630.jpg)
![](/files/galleryphoto/2023/3/1200x630/16975309361490344771_1200x630.jpg)
![](/files/galleryphoto/2023/3/1200x630/16975309361446147684_1200x630.jpg)
![](/files/galleryphoto/2023/3/1200x630/16975309363684036905_1200x630.jpg)
Bakı, 17 oktyabr, AZƏRTAC
Kənd təsərrüfatı nazirinin müavini İlhamə Qədimova oktyabrın 17-də Şəmkir Dövlət Aqrar İnkişaf Mərkəzinin inzibati binasında Şəmkir və Goranboy rayonlarından olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, qəbulda vətəndaşların müraciəti əsasən işlə təminat məsələsi ilə bağlı olub. Nazir müavini İlhamə Qədimova hər bir vətəndaşın müraciətini diqqətlə dinləyib, qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib.
Daha sonra nazir müavini Şəmkir DAİM-in kollektivi ilə görüşüb. Görüşdə Elektron Kənd Təsərrüfatı İnformasiya Sistemində qeydiyyat və əkinlərin bəyanı ilə bağlı məsələlər müzakirə edilib.