Keşlə sakini: Dövlətimizin başçısının tapşırığı ilə Şah Abbas məscidi qısa müddətdə bərpa olundu
Bakı, 24 oktyabr, AZƏRTAC
Abadlıq işləri görməyin, ev tikməyin, məscidlər inşa etməyin Allahın dərgahında böyük bir savabı var. Keşlədəki bu məscid XVII əsrə aid abidədir və Şah Abbas tərəfindən tikilib. Məsciddə vaxtilə təmir işləri aparılmışdı, amma belə mükəmməl təmir edilməmişdi. Buna görə də biz Prezidentimizə təşəkkür edirik.
AZƏRTAC xəbər verir ki, bu sözləri Keşlə qəsəbəsi sakini Ülkər Nəcəfova Prezident İlham Əliyevin tapşırığına əsasən Bakı şəhərinin mərkəzinə yaxın olan, qədim qəsəbələrindən biri Keşlə qəsəbəsində yerləşən XVII əsrə aid yerli əhəmiyyətli memarlıq abidəsi olan Şah Abbas məscidinin açılışinda deyib.
Sakin bildirib ki, Prezidentin təşəbbüsü ilə məscid qısa müddətdə təmir olundu və bu gün bütün əhalinin ixtiyarına verildi. Təkcə Bakıda deyil, işğaldan azad olunan ərazilərimizdə də məscidlərimiz bərpa olunur. Prezident İlham Əliyev işğaldan azad olunmuş ərazilərimizdə də məscidlərimizi abad elədi və indi də orada azan səsi ucaldılır. Allah Prezidentimizə, Mehriban xanıma cansağlığı versin. Bu işdə zəhməti olanlara Allah xeyirli, bərəkətli ömür nəsib etsin.
Bölmənin digər xəbərləri
