Kevin Medina: "Bayer"lə oyunda daha məsuliyyətli olmağa çalışacağıq
Bakı, 25 oktyabr, AZƏRTAC
Rəqibin bu mövsüm göstərdiyi oyun hamıya bəllidir. Amma biz də bu matça çox yaxşı hazırlaşmışıq. Azərbaycan xalqı bizdən layiqli oyun gözləyir.
AZƏRTAC xəbər verir ki, bu sözləri "Qarabağ"ın müdafiəçisi Kevin Medina Almaniyanın "Bayer" klubuna qarşı keçirəcəkləri UEFA Avropa Liqasının qrup mərhələsinin III tur oyunundan əvvəl təşkil olunmuş mətbuat konfransında deyib.
30 yaşlı futbolçu rəqibin gücünün fərqində olduqlarını bildirib: “Bu cür iddialı rəqiblərə qarşı oynamağı çox sevirik. Çalışacağıq ki, bütün ümidləri doğruldaq. Xalqımızın gözlədiyi oyunu nümayiş etdirəcəyik. Ümid edirəm ki, qənaətbəxş nəticə ilə qayıdacağıq”.
Avropa Liqasının Azərbaycan Premyer Liqasından tamam fərqli yarış olduğunu vurğulayan oyunçu qeyd edib ki, burada tələblər də çox başqadır: “Fərq də hiss olunur. Hər iki oyun da maksimum məsuliyyət tələb edir. Nəzərə alsaq ki, Bundesliqanın ən aparıcı klublarından birinə qarşı oynayacağıq. Ona görə də bu oyunda daha məsuliyyətli olmağa çalışacağıq".
Qeyd edək ki, oktyabrın 26-da “Bay-Arena”da keçiriləcək “Bayer” - “Qarabağ” qarşılaşması Bakı vaxtı ilə saat 23:00-da start götürəcək.
Bölmənin digər xəbərləri
