Kişi həndbolçulardan ibarət Azərbaycan komandası Gürcüstanda yoxlama görüşləri keçirəcək
Bakı, 26 fevral, AZƏRTAC
Kişi həndbolçulardan ibarət Azərbaycan seçmə komandası Gürcüstanda təlim-məşq toplanışı keçəcək.
Azərbaycan Həndbol Federasiyasından AZƏRTAC-a bildirilib ki, fevralın 27-dən martın 4-dək təşkil ediləcək toplanışda ölkəmizin ən yaxşı həndbolçuları toplaşacaq.
Toplanışın məqsədi seçmə komandanın formalaşdırılması və daha da gücləndirilməsidir.
Qeyd edək ki, həndbolçularımız təlim-məşq toplanışı çərçivəsində Gürcüstan komandaları ilə yoxlama görüşlərində qüvvələrini sınayacaqlar.
Bölmənin digər xəbərləri
