Kişinyov forumunda Qarabağın iqtisadi potensialı haqqında məlumat verilib
Bakı, 16 may, AZƏRTAC
Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) vitse-prezidenti Kişinyov şəhərində keçirilən Forumda Qarabağın iqtisadi potensialı haqqında məlumat verib.
ASK-dan AZƏRTAC-a bildirilib ki, Azərbaycanı tədbirdə təmsil edən Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının vitse-prezidenti Vüqar Zeynalov işğaldan azad edilmiş ərazilərdə aparılan yenidənqurma işləri, Qarabağın iqtisadi potensialından danışıb.
Forumda müxtəlif ölkələrin iş adamları arasında əlaqələrin möhkəmləndirilməsi, həm Moldovada, həm də regionda iqtisadiyyatın müxtəlif sektorlarına aid mövzular geniş müzakirə olunub.
Kişinyovda keçirilən beynəlxalq iqtisadi və investisiya forumunda iqtisadiyyatın müxtəlif sahələrini təmsil edən 15 ölkənin iş adamları iştirak edib. Forumda Moldova, İtaliya, Rumıniya, Ukrayna, Gürcüstan, Azərbaycan, Bolqarıstan, Macarıstan, Avstriya, Almaniya, Yunanıstan və Tacikistan təmsil olunub.
Bölmənin digər xəbərləri
