KİŞİNYOVDA MDB-NİN FÖVQƏLADƏ HALLAR ÜZRƏ DÖVLƏTLƏRARASI ŞURASININ İCLASI BAŞA ÇATMIŞDIR
İclasda 16 məsələ, o cümlədən fövqəladə hallar zamanı zərər çəkmiş dövlətlərə yardım göstərilməsi (bu barədə razılaşma MDB hökumət başçılarının Çolpan-Ata zirvə toplantısında əldə edilmişdir) üçün MDB Ehtiyat Fondunun yaradılması və fəaliyyət mexanizmləri, fövqəladə hallar barədə xəbərdarlıq və onların nəticələrinin aradan qaldırılması sahəsində Birlik ölkələrinin qarşılıqlı hüquqi fəaliyyəti haqqında konvensiyanın layihəsi müzakirə olunmuşdur.
İclas iştirakçıları fövqəladə halların monitorinqi və proqnozlaşdırılması sahəsində əməkdaşlıq konsepsiyasının layihəsini və 2005-2010-cu illərdə fövqəladə hallar barədə xəbərdarlığa və onların nəticələrinin aradan qaldırılmasına dair birgə elmi tədqiqat proqramının layihəsini də müzakirə etmişlər.
İclasda MDB-nin doqquz dövləti, habelə müşahidəçi qismində Rumıniya təmsil olunmuşlar. Gürcüstan iclasda iştirak etməmişdir, çünki bu ölkədə müvafiq qurum ləğv edildiyinə görə onun Dövlətlərarası Şurada səlahiyyətli nümayəndəsi yoxdur.
Bölmənin digər xəbərləri
