KİYEV BAZARINDA PARTLAYIŞLA ƏLAQƏDAR TERRORUN DA MÜMKÜNLÜYÜ İSTİSNA EDİLMİR
AZƏRTAC-ın xəbər verdiyi kimi, avqustun 20-də axşamtərəfi Kiyevin “Troyeşşinski” bazarında əldəqayırma partlayıcı qurğu işə salınmışdır. Bu qurğular zibil konteynerlərindən birinə qoyulmuşdur. Onların partlaması nəticəsində 14 nəfər xəsarət almışdır.
Ukrayna daxili işlər nazirinin müavini Pyotr Opanasenkonun başçılıq etdiyi istintaq qrupu bazarın fəaliyyəti ilə bağlı olan cinayətkar dəstələr arasında kriminal araşdırmalar ehtimalını nəzərdən keçirir. Lakin terror aktının Ukraynanın da hərbi kontingent göndərdiyi İraqda baş verən hadisələrlə bağlı olmasının mümkünlüyü də istisna edilmir.
Bölmənin digər xəbərləri
