Kiyev meri avtomobili içkili halda idarə edən məmuru işdən qovub
Kiyev, 8 fevral, AZƏRTAC
Ukrayna meri Vitali Kliçko içkili vəziyyətdə avtomobili idarə edərək qəza törədən məmuru işdən çıxarıb.
AZƏRTAC xəbər verir ki, cümə axşamı içkili vəziyyətdə yol qəzası törədən Kiyevin Qolosevski rayonu rəhbərinin müavini Yuriya Tkaçenko vəzifəsindən kənarlaşdırılıb.
“Kiyevin dövlət administrasiyasında məmurların içkili vəziyyətdə avtomobili idarə etməsi yolverilməzdir. Həmin şəxs qəza törədərkən bir polis xəsarət alıb. Düşünürəm ki, bu cür məmurlar dövlət xidmətində işləyə bilməzlər. Mənim fikrimcə, avtomobili içkili idarə edənlər cinayətkardırlar”, - deyə mer əlavə edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
