KONSTİTUSİYA MƏHKƏMƏSİ OMBUDSMANIN DAHA BİR SORĞUSU ƏSASINDA QƏRAR ÇIXARMIŞDIR
Ombudsman Aparatından AZƏRTAC-a bildirmişlər ki, müvəkkilin sorğusunun əsasını Azərbaycan Respublikası Konstitusiyasının 58-ci maddəsinə uyğun olaraq, hər bir şəxsə digər şəxslərlə birlikdə fikir həmrəyliyi əsasında birgə fəaliyyət həyata keçirmək imkanının yaradılması, birləşmək hüququnun tərəflərin fikir həmrəyliyi, qarşılıqlı niyyətlərin reallaşdırılması üçün üsulların seçilməsi və nəhayət, dövlət tərəfindən bunun üçün geniş imkanların yaradılmasından asılı olması ilə bağlı mülahizələr təşkil etmişdir. Sorğuda həmçinin Konstitusiyanın 59-cu maddəsində azad sahibkarlıq hüququnun təsbit edildiyi və həmin maddədə iqtisadi fəaliyyətin qanunazidd olmamasının, fəaliyyətin həyata keçirilməsi üçün maddi vəsaitin olmasının, vergilərin vaxtında ödənilməsinin sahibkarlıq fəaliyyətinin şərtləri kimi göstərildiyi bildirilmişdir.
Konstitusiya Məhkəməsinin Plenumunda sorğu üzrə işə baxılmış, oktyabrın 20-də Konstitusiya Məhkəməsinin qərarı ilə Mülki Məcəllənin 133.1 maddəsi Azərbaycan Respublikasının Konstitusiyasına uyğun olmadığına görə qüvvədən düşmüş hesab edilmişdir.
Bölmənin digər xəbərləri
