Koronavirusa qarşı “Pfizer” peyvəndinin 95 faizlik effektivliyi təsdiqlənib
Bakı, 8 dekabr, AZƏRTAC
ABŞ-ın ərzaq və tibbi preparatların keyfiyyətinə nəzarət üzrə idarəsi analizlərdən sonra “Pfizer” və “BioNTech” kompaniyalarının hazırladığı koronavirus əleyhinə iki komponentli peyvəndin 95 faizlik effektivliyini təsdiqləyib.
AZƏRTAC xəbər verir ki, idarənin saytında yerləşdirilən məlumata əsasən, bu effektivlik səviyyəsi vaksinin ikinci dozası vurulduqdan yeddi gün sonra qeydə alınır. Məlumatda, həmçinin deyilir ki, ilk dozadan sonra vaksinin effektivliyi 82 faizə bərabər olur. Effektivlik səviyyəsinin sonradan enib-enməməsi hələlik məlum deyil.
Qeyd edək ki, bir müddət öncə “Pfizer” və “BioNTech” kompaniyaları hazırladıqları peyvəndin koronavirusdan 95 faizlik müdafiəni təmin etdiyi barədə məlumat yaymışdı. Yeni preparat özündə törədici barədə genetik informasiya daşıyan gen vaksinləri qrupuna aiddir.
Bölmənin digər xəbərləri
