Kür və Araz transsərhəd çaylarında keçirilən monitorinqin nəticələri açıqlanıb
Nazirliyin mətbuat xidmətindən AZƏRTAC-a verilən məlumata görə, Kür çayında suyun sərfi sentyabr ayının ikinci ongünlüyünə nisbətən 92 m3/san artaraq 203 m3/san təşkil edib. Monitorinqin nəticələrinə əsasən, Gürcüstan və Ermənistan ərazilərindən təmizlənmədən axıdılan məişət tullantıları və sənaye müəssisələrinin çirkab sularının təsiri nəticəsində Kür çayı və onun qollarında biogen maddələrin miqdarı normadan dəfələrlə artıq olub.
Suyun tərkibindəki spesifik çirkləndiricilərdən fenolların Şıxlı-2 məntəqəsində 4,3, Ağstafaçayda 4, Ağstafaçay su anbarında isə 3,8 dəfə yolverilən qatılıq həddinin keçdiyi qeydə alınıb. Eyni hal Araz çayının Horadiz, Birinci Şahsevən və Bəhramtəpə məntəqələrində müşahidə olunub.
Kür və Araz çayları üzrə bütün məntəqələrdə mis birləşmələri norma daxilində tərəddüd edib. Suyun oksigen rejiminin də bütün məntəqələrdə sanitar norma daxilində dəyişdiyi müəyyən edilib.
Bölmənin digər xəbərləri
