“Kür”ün baş məşqçisi: Xorvatiya təmsilçisi ilə oyun çox ağır keçdi
Mingəçevir, 21 oktyabr, AZƏRTAC
Xorvatiya təmsilçisi ilə oyun çox ağır keçdi. İki gün bundan əvvəl bir oyunçumuz ağır zədə aldı. Bu da bizim üçün çətinlik yaratdı.
AZƏRTAC xəbər verir ki, bu sözləri “Kür”ün baş məşqçisi Nasser Salimi Avropa Kubokunun cavab matçında Xorvatiyanın “Sesvete” komandası ilə qarşılaşmadan sonra deyib.
İranlı mütəxəssis bildirib ki, “Sesvete” Xorvatiyanın ən güclü komandalarından biridir: “Ümid edirəm ki, gələcəkdə onlardan daha yaxşı oyun nümayiş etdirəcəyik. Hazırda isə bizi Azərbaycan çempionatı gözləyir. Orada çalışacağıq ki, gücümüzü ortaya qoyaq. Azarkeşlərə doğma arenada komandamıza verdikləri dəstəyə görə xüsusi təşəkkür edirəm".
Qeyd edək ki, matç “Sesvete” komandasının 34:24 hesablı qələbəsi ilə yekunlaşıb.
Bölmənin digər xəbərləri
