“Kür”ün kapitanı: Evdə rəqib komandaya sözümüzü az da olsa deyə bildik
Mingəçevir, 21 oktyabr, AZƏRTAC
Komandamız evdəki oyunda səfərdəki matçımıza nisbətdə daha yaxşı mübarizə apardı.
AZƏRTAC xəbər verir ki, bu sözləri kişi həndbolçulardan ibarət "Kür" klubunun kapitanı Kamil Məmmədzadə Avropa Kubokunun cavab matçında Xorvatiyanın “Sesvete" komandası ilə qarşılaşmadan sonra deyib.
O bildirib ki, oyunçular arasında hələ də adaptasiya prosesi davam edir: “Biz cəmi 2 aydır yığışmışıq. Buna görə də oyunçular bir-birlərinə tam uyğunlaşa bilməyib. İlk oyunumuz Xorvatiyanın Zaqreb şəhərində keçirilmişdi. Oradakı qarşılaşmada daha zəif oyun nümayiş etdirmişdik. Çünki komandamızda texniki problemlər var idi və səfərdə 7 oyunçu ilə çıxış etmək məcburiyyətində qalmışdıq. Rəqib çox güclü və iddialıdır. Amma buna baxmayaraq, evdə sözümüzü az da olsa deyə bildik".
Qeyd edək ki, matç rəqibin 34:24 hesablı qələbəsi ilə yekunlaşıb.
Bölmənin digər xəbərləri
