LATVİYANIN YIĞMA FUTBOL KOMANDASI AZƏRBAYCAN YIĞMASI İLƏ OYNAMAQ İSTƏYİR

10.03.2004 [22:22]
Çap et
A⁺ A^-

Latviya Futbol Federasiyası ölkənin yiğması ilə Azərbaycan yığma komandası arasında yoldaşlıq oyunu keçrməyi təklif etmişdir. Azərbaycan Futbol Federasiyaları Assosiasiyasından AZƏRTAC-ın müxbirinə bildirmişlər ki, Latviya yığması Avropa çempionatının final oyunlarına hazırlıq çərçivəsində iyunun 6-8-də öz meydanında Azərbaycan komandası ilə görüşmək niyyətindədir. AFFA-da vurğulamışlar ki, bununla bağlı son qərarı yığmanın baş məşqçisi Karlos Alberto Torres qəbul etməlidir. O isə hazırda Azərbaycanda deyildir.

Xatırladaq ki, yığma komandamız 2006-cı il dünya çempionatının seçmə oyunlarına hazırlıq çərçivəsində martın sonunda Kişinyovda Moldova komandası ilə, aprelin 28-də isə Qazaxıstanda bu ölkənin yığması ilə görüşəcəkdir.

Mətbuat xidmətindən demişlər ki, AFFA-nın rəhbərliyi yığma komandalardan biri ilə cari ilin may ayında Bakıda yoldaşlıq görüşü keçirmək barədə razılığa gəlmək ümidindədir.

LATVİYANIN YIĞMA FUTBOL KOMANDASI AZƏRBAYCAN YIĞMASI İLƏ OYNAMAQ İSTƏYİR

MÜƏLLİFLƏ ƏLAQƏ

Bölmənin digər xəbərləri