LƏNKƏRAN HAVA LİMANININ TİKİNTİSİ SÜRƏTLƏNDİRİLİR

30.10.2006 [00:58]
Çap et
A⁺ A^-

AZƏRTAC xəbər verir ki, 2005-ci ilin sentyabrın 9-da Prezident İlham Əliyev tərəfindən təməli qoyulmuş Lənkəran hava limanının tikintisi sürətlə davam etdirilir.

“Azərbaycan Hava Yolları” Dövlət Konserninin sifarişi ilə inşa olunan aeroportun tikintisində Türkiyənin “Zema” şirkətinin mütəxəssisləri ilə yanaşı, 200 nəfərdən artıq yerli inşaatçı da çalışır.

Qısa müddətdə uzunluğu 3300 və eni 60 metr olan uçuş-enmə zolağının torpaq işləri başa çatdırılmış, həmin əraziyə beton tökülməsinə başlanmışdır.

50 hektar sahədə inşa edilən Lənkəran hava limanı ən müasir avadanlıq və texnika ilə təmin ediləcəkdir.