Leriklilər dövlət qulluğunda çalışanların əməyini yüksək qiymətləndirirlər
Lerik, 23 iyun (AZƏRTAC). Lerik Rayon İcra Hakimiyyətində 23 iyun - dövlət qulluqçularının peşə bayramı gününə həsr olunmuş toplantı keçirilmişdir.
AZƏRTAC xəbər verir ki, tədbir iştirakçıları əvvəlcə şəhərin Heydər Əliyev parkında Ümummilli Liderin abidəsi önünə gül dəstələri düzərək xatirəsini ehtiramla yad etmişlər.
Toplantıda çıxış edənlər ölkəmizdə müasir dövlət qulluğu sisteminin formalaşdırılmasının və onun daha da inkişaf etdirilməsinin ümummilli lider Heydər Əliyevin adı ilə bağlı olduğunu bildirmişlər.
Rayonda əldə edilmiş nailiyyətlərdə dövlət qulluğunda çalışanların böyük əməyinin olduğunu vurğulanmış, ölkəmizdə səmərəli, məsuliyyətli və demokratik idarəçiliyin yaradılmasında Ümummilli Liderin xidmətləri yüksək qiymətləndirilmiş, Prezident İlham Əliyevin rəhbərliyi ilə həyatımızın bütün sahələrində, o cümlədən dövlət quruculuğunda böyük uğurların qazanıldığı diqqətə çatdırılmışdır.
Sonda dövlət qulluğunda uzun müddət səmərəli, qüsursuz fəaliyyətlərinə görə rayon icra hakimiyyəti başçısı aparatının hüquq şöbəsinin müdiri Araz Quliyevə, Monidigah kənd ərazi icra nümayəndəsi Firuzə Hüseynovaya, Çayrud kənd ərazi icra nümayəndəsi Xanlar Həmidova, Dövlət Sosial Müdafiə Fondu rayon şöbəsinin sektor müdiri Tehran Ağayevə fəxri fərman təqdim edilmişdir.
Bölmənin digər xəbərləri
