Litvanın Daxili İşlər naziri: Koronavirusla bağlı ölkələrə giriş şərtləri eyni olmalıdır
Vilnüs, 19 avqust, AZƏRTAC
Hər yerdə vəziyyət dəyişir, buna görə də koronavirusun geniş yayıldığı və ya az yayıldığı ölkələrin siyahısını hazırlamaq elə də böyük əhəmiyyət kəsb etmir. Hər bir ölkə üçün giriş şərtləri eyni olmalıdır.
AZƏRTAC Litva mətbuatına istinadla xəbər verir ki, bunu ölkənin Daxili İşlər naziri Rita Tamaşunene söyləyib.
Nazir bildirib ki, hər 100 min nəfər əhaliyə düşən yoluxma sayı 25-dən çox olan ölkələrin vətəndaşları Litvaya gəlməzdən 72 saat əvvəl COVID-19 testi verməlidirlər. Üçüncü ölkədən olan əcnəbi vətəndaşların hökumətin müəyyənləşdirdiyi istisnalar xaricində Litvaya girişinə əvvəlki kimi icazə verilməyəcək.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
