LONDONDA BTC LAYİHƏSİNİN MALİYYƏLƏŞDİRİLMƏSİ ÜÇÜN KREDİTİN AYRILMASI HAQQINDA SAZİŞ İMZALANACAQ

04.12.2003 [11:58]
Çap et
A⁺ A^-

Bakı-Tbilisi-Ceyhan əsas ixrac neft kəmərinin tikintisi layihəsini maliyyələşdirməyə kreditlər ayrılması haqqında dekabrın 15-də Londonda boru kəmərinin çəkilişi və istismarının operatoru olan BTC Co. şirkəti ilə beynəlxalq maliyyə təsisatları arasında kredit sazişi imzalanacaqdır. Bu barədə AZƏRTAC-ın müxbirinə ARDNŞ-in prezidenti Natiq Əliyev bildirmişdir.

Gözlənildiyinə görə, kreditlər 8 il müddətinə buraxılacaqdır. Natiq Əliyev bu vəsaitin hansı şərtlərlə ayrıldığını açıqlamamış, yalnız onu qeyd etmişdir ki, vəsait illik 7-8 faizlə veriləcəkdir.

AZƏRTAC-ın bundan əvvəl xəbər verdiyi kimi, BTC boru kəməri layihəsinin gerçəkləşdirilməsinə Avropa Yenidənqurma və İnkişaf Bankı və Beynəlxalq Maliyyə Korporasiyası hərəyə 250 milyon ABŞ dolları məbləğində kredit ayırmağı qərara almışlar.

LONDONDA BTC LAYİHƏSİNİN MALİYYƏLƏŞDİRİLMƏSİ ÜÇÜN KREDİTİN AYRILMASI HAQQINDA SAZİŞ İMZALANACAQ

MÜƏLLİFLƏ ƏLAQƏ

Bölmənin digər xəbərləri