Los-Ancelesdə meşə yanğınları baş verən bölgədə 50-yə yaxın şəxs həbs edilib
Vaşinqton, 14 yanvar, AZƏRTAC
Los-Anceles vilayətində yanğının baş verdiyi bölgələrdə xidmət edən hüquq-mühafizə orqanlarının əməkdaşları tərəfindən 50-yə yaxın şəxs həbs edilib.
AZƏRTAC-ın məlumatına görə, bu barədə Los-Anceles vilayətinin rəhbəri Robert Luna açıqlama verib. O bildirib ki, 34 nəfər İton və Paliseyds bölgələrində həbs olunub.
Onlar soyğunçuluq, başqasının mülkünə qanunsuz daxil olma kimi müxtəlif cinayətlərdə ittiham olunublar. Los-Anceles Polis Departamenti isə şəhər daxilində 14 nəfəri həbs edib. Hazırda 92 mindən çox insan təxliyə əmri altındadır və təxminən 89 min sakinə təxliyə xəbərdarlığı edilib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
