Macarıstan parlamenti ölkənin Beynəlxalq Cinayət Məhkəməsindən çıxmasına dair qanunu təsdiq edib
Budapeşt, 20 may, AZƏRTAC
Mayın 20-də Macarıstan parlamenti ölkənin Beynəlxalq Cinayət Məhkəməsindən (BCM) çıxması prosesinə start verən qanunu qəbul edib.
AZƏRTAC bu barədə Macarıstan mətbuatına istinadla xəbər verir.
Qeyd edildiyi kimi, səsvermə apreldə başlayan prosedurun növbəti mərhələsi idi. Daha sonra Baş nazirin nümayəndəsi hökumətin BCM-dən çıxmaq barədə qərarını açıqlayıb.
Macarıstanın xarici işlər naziri Peter Siyartonun sözlərinə görə, BCM-ni tamamilə tərk etmə prosesi təxminən bir il çəkəcək.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
