Makronla bağlı yeni qalmaqal dünya mediasında geniş rezonans doğurub
Bakı, 26 may, AZƏRTAC
Fransa Prezidenti Emmanuel Makron yeni qalmaqalla dünya mediasının diqqət mərkəzindədir.
AZƏRTAC xarici mediaya istinadla xəbər verir ki, “Associated Press” agentliyi Fransanın dövlət başçısının Vyetnama səfərə gələrkən təyyarənin çıxışında qəribə fotosunu yayıb. Şəklə əsasən, onun xanımı Bricit Makronun ərinə şillə vurduğu iddia edilir.
Rəsmi Yelisey sarayı əvvəlcə bu faktı inkar etsə də, sonradan verilən açıqlamada Bricitin təyyarənin çıxışında həyat yoldaşı ilə zarafatlaşdığı bildirilib, həmin görüntüdən sui-istifadə edilməsi pislənilib. Digər fotoda Makronun xanımının təyyarənin pilləkənindən enərkən onun əlini tutmaq istəmədiyi kadrları əks olunub.
Bölmənin digər xəbərləri
