Maliyyə-bank sektorunun mövcud vəziyyətinə dair müzakirələr aparılıb
Bakı, 7 yanvar, AZƏRTAC
Azərbaycan Banklar Assosiasiyasının (ABA) rəyasət heyətinin geniş tərkibdə iclası keçirilib.
ABA-dan AZƏRTAC-a bildirilib ki, iclasda maliyyə-bank sektorunun mövcud vəziyyəti, inkişaf perspektivləri, həmçinin aktual məsələlərlə bağlı fikir mübadiləsi aparılıb. Azərbaycan Beynəlxalq Bankının nümayəndəsi və “Ödəniş sistemləri və rəqəmsal bankçılıq üzrə Ekspert Qrupu”nun tərkibində formalaşdırılan işçi qrupunun üzvü Kamran Şıxəliyev bank sektoruna faydalı olacaq məsələlərin həllində öz dəstəyini göstərib. Bu səbəbdən ona ABA tərəfindən təşəkkürnamə təqdim edilib.
ABA-nın fəaliyyətində ekspert qrupu üzvləri ilə yanaşı, digər bank mütəxəssislərinin də səyləri vurğulanıb.
Qeyd edək ki, ABA 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını təmsil etmək, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 25 bank və 4 qeyri-bank təşkilatı ABA-nın üzvüdür.
Bölmənin digər xəbərləri
