Mateus Kamilo: Düşünürəm ki, Bakıda yaxşı döyüşçü kimi xatırlanacağam
Bakı, 27 iyun, AZƏRTAC
Bu görüşə görə çox məşq etmişdim.
AZƏRTAC xəbər verir ki, bu sözləri yüngül çəki dərəcəsində Nazim Sadıxovu məğlub edən Braziliya təmsilçisi Mateus Kamilo deyib.
O, Bakıda yaxşı döyüşçü kimi xatırlanacağını bildirib: "Nazim çox yaxşı və təcrübəli döyüşçüdür. Mənim zərbələrim də dəqiq və aydın idi. Ona da uğurlar arzulayıram".
Döyüşçü daha iki gün Bakıda qalacağını deyib: "Şəhəri gəzməyə vaxtım çox olmayıb. İki gün ərzində paytaxtınızla tanış olacağam.
Düşünürəm ki, futbol üzrə Braziliya millisi dünya çempionu olacaq. Neymara gəlincə, tez-tez zədə alsa da, o, hər zaman əfsanə olaraq qalacaq", - deyə idmançı qeyd edib.
Bölmənin digər xəbərləri
