Mayın 17-si səhərədək bəzi dağlıq ərazilərdə şimşək çaxıb, arabir yağış yağıb
Bakı, 17 may, AZƏRTAC
Mayın 17-si səhərədək bəzi dağlıq ərazilərdə şimşək çaxıb, arabir yağış yağıb, güclü qərb küləyi əsib.
Milli Hidrometeorologiya Xidmətinin AZƏRTAC-a verdiyi məlumata əsasən, düşən yağıntının miqdarı Daşkəsən, Gədəbəy, Göygöl, Quba, Xaltan, Qrızda 1 millimetr olub.
Qərb küləyinin sürəti arabir Tərtər, Altıağacda 25, Naftalan, Daşkəsəndə 23, Ağstafada 22, Şəki, Xaçmaz, Ağdamda 20, Göyçayda 19, Gəncə, Qubada 18, Şabranda 16, Mingəçevir, Yevlaxda 15 metr/saniyə olub. Şimal-qərb küləyi Pirallahıda 30, Qum adası, Maştağada 28, Çilov adasında 27, Neft Daşlarında 24, Sumqayıt, Bakıda 22, Binədə 19, Zabratda 18 metr/saniyəyədək güclənib. Neft Daşları stansiyasının məlumatına əsasən Xəzər dənizində dalğanın hündürlüyü 3.8 metrə çatıb.
Temperatur iqlim normasından 2.2° yuxarı olub. Belə ki, havanın maksimal temperaturu Bakıda və Abşeron yarımadasında 24-31°, Aran rayonlarında 31-34°, dağlıq rayonlarda 22°-dək, Naxçıvan Muxtar Respublikasında 21-30° isti olub.
Bölmənin digər xəbərləri
