MDB platformasında çəyirtkəkimilərlə mübarizədə profilaktik tədbirlər müzakirə edilib
Bakı, 28 oktyabr, AZƏRTAC
MDB-nin iştirakçı dövlətlərinin fitomonitorinq və bitki mühafizəsi xidmətləri nümayəndələrindən ibarət İşçi qrupun çəyirtkə zərərvericilərinin aşkar edilməsi və onlarla mübarizə məsələləri üzrə birinci iclası keçirilib.
Birliyin Hökumətlərarası Şurasının aqrar-sənaye kompleksi nəzdində yaradılmış İşçi qrupu Fitosanitar tədqiqatların nəticələrinin qarşılıqlı tanınması, uçot metodikası və MDB-nin iştirakçı dövlətlərinin fitomonitorinq və bitki mühafizəsi xidmətləri nümayəndələrindən ibarət İşçi qrupun çəyirtkə zərərvericilərinin aşkar edilməsi, analizi və onlarla mübarizə üzrə qarşılıqlı fəaliyyət yanaşmalarının işlənib hazırlanması üzrə vəzifələri yerinə yetirməlidir.
AZƏRTAC MDB İcraiyyə Komitəsinin mətbuat xidmətinə istinadla xəbər verir ki, tədbirdə Azərbaycan, Qırğızıstan, Moldova, Rusiya Federasiyası, Tacikistan, Özbəkistan və Türkmənistan mütəxəssisləri iştirak ediblər.
MDB İcraiyyə Komitəsinin iqtisadi əməkdaşlıq Departamenti direktorunun müavini A.Canaxmedov İşçi qrupunun fəaliyyətinin kənd təsərrüfatında çəyirtkə zərərvericiləri ilə bağlı risklərin azaldılması və fövqəladə halların qarşısının alınmasına böyük töhfə verəcəyinə əminliyini ifadə edib.
İclas iştirakçıları birgə işin aparılmasında maraqlı olduqlarını vurğulayıb, gələcək addımlar və perspektiv planlar üzrə müzakirələr aparıb, çəyirtkə zərərvericilərinin yayılması riskinin azaldılmasında sıx qarşılıqlı fəaliyyətin təmin edilməsi, bu minvalla Birliyə üzv ölkələrdə ərzaq təhlükəsizliyinin təmin olunmasının zəruriliyini qeyd ediblər.
Bölmənin digər xəbərləri
