“MƏDƏNİ İRSİN QORUNMASI” LAYİHƏSİ ÜZRƏ İŞLƏR BAŞA ÇATIR
Layihənin işçi qrupunun rəhbəri, Şərq Ölkələri Beynəlxalq Memarlıq Akademiyasının müxbir üzvü Rüstəm Muxtarov AZƏRTAC-ın müxbirinə demişdir ki, Dünya Bankının ayırdığı 7,5 milyon ABŞ dolları vəsait hesabına Bakı şəhərindəki Şirvanşahlar sarayı kompleksi, Şəki xanlarının sarayı, Naxçıvan MR-dəki Mömünə xatın, Qudi-xatın türbələrində və iki minarədə bərpa-mühafizə və yenidənqurma işlərinə başlanmışdı. Müsabiqədə qalib gəlmiş İtaliya və Almaniya şirkətləri indiyədək təxminən 5 milyon dollar həcmində bərpa işləri görmüşlər. Naxçıvanda bərpa işləri keçən il başa çatmışdır. Şirvanşahlar sarayı kompleksində və Şəki xanlarının sarayında isə son tamamlama işləri aparılır.
Bölmənin digər xəbərləri
