MƏDƏNİYYƏT İŞÇİLƏRİNİN ZONA SEMİNAR-MÜŞAVİRƏSİ KEÇİRİLMİŞDİR
Naxçıvan MR Mədəniyyət Nazirliyinin elmi-metodiki mərkəzi Ordubad rayon mədəniyyət şöbəsi və rayon mərkəzləşdirilmiş kitabxana sistemi ilə birlikdə rayonun ucqar Tivi kəndində “Naxçıvan Muxtar Respublikasının yaranma tarixi və müasirlik” mövzusunda zona seminar-müşavirəsi keçirmişlər. Seminar-müşavirədə rayonun sərhəd bölgəsində yerləşən 9 kəndində fəaliyyət göstərən klub və kitabxanaların işçiləri iştirak etmişlər.
AZƏRTAC-ın müxbiri xəbər verir ki, tədbirdə Ordubad rayon mədəniyyət şöbəsinin müdiri Yaşar Xəlilov və elmi-metodiki mərkəzin direktor müavini Nizami Əzizəliyev klubların və kitabxana sistemi işçilərinin qarşısında duran vəzifələr, habelə mədəni-kütləvi tədbirlərin təşkili və keçirilməsi metodikası mövzusunda məruzələrlə çıxış etmişlər.
Bölmənin digər xəbərləri
