Məişət tullantıları arasından silah-sursat hissələri aşkarlanıb
Bakı, 14 yanvar, AZƏRTAC
Təmiz Şəhər” ASC-nin Bərk Məişət Tullantılarının Çeşidlənməsi Zavodunda məişət tullantıları arasından silah-sursat hissələri tapılıb.
ASC-nin mətbuat xidmətindən AZƏRTAC-a verilən məlumata görə, müxtəlif növ silah güllələri - 21 ədəd 5.45 çaplı patron, 10 ədəd 7.62 çaplı patron, 1 ədəd 12.7 çaplı patron və 1 ədəd 30 mm mərmi iş prosesi zamanı işçilər tərəfindən məişət tullantılarını çeşidləyərkən aşkar edilib.
Dərhal təhlükə törədə biləcək əşyalar ümumi tullantılardan ayrılıb. Müəssisəyə polis dəvət olunaraq silah-sursat hissələri təhvil verilib.
Bölmənin digər xəbərləri
