Məişət zorakılığı zəminindəki cinayətlərdə azalma müşahidə olunur
Bakı, 25 oktyabr, AZƏRTAC
2022-ci il ərzində Daxili İşlər Nazirliyinə məişət zorakılığı ilə bağlı 9 min 864 müraciət daxil olub.
AZƏRTAC xəbər verir ki, bu rəqəmlər oktyabrın 25-də Milli Məclisdə müzakirə edilən Azərbaycan Respublikası Ailə, Qadın və Uşaq Problemləri üzrə Dövlət Komitəsinin 2022-ci il üzrə hesabatında əksini tapıb.
Hesabatda bildirilib ki, məişət zorakılığı halları ilə bağlı qeydə alınmış cinayətlərin ümumi sayı 1175 (2021-ci ildə 1196), xəsarət alan qadınların sayı 1132 (2021-ci ildə 1150), ailə-məişət münaqişələri və qısqanclıq zəminində qadınlara qarşı törədilmiş ölümlə nəticələnən cinayət hadisələrinin sayı 51 (2021-ci ildə 46) olmuşdur (onlardan 2-si yetkinlik yaşına çatmayan şəxsdir). 2021-ci illə müqayisədə məişət zorakılığı zəminindəki cinayətlərdə azalma müşahidə olunur.
Bölmənin digər xəbərləri
