Meksika və ABŞ prezidentləri ilk dəfə Vaşinqtonda görüşəcəklər
Vaşinqton, 5 dekabr, AZƏRTAC
Meksika Prezidenti Klaudiya Şeynbaum dekabrın 5-də Vaşinqtondakı Kennedi Mərkəzində keçiriləcək 2026-cı il Dünya Kubokunun püşkatma mərasimi çərçivəsində amerikalı həmkarı Donald Trampla görüşəcək.
AZƏRTAC-ın məlumatına görə, bu barədə açıqlama verən Şeynbaum görüşdə Meksikadan idxal edilən mallara tətbiq edilən tarifləri müzakirə etməyi planlaşdırdığını bildirib. Bu, Şeynbaumun Trampla ilk üzbəüz görüşü olacaq.
Meksika lideri, həmçinin Kanadanın Baş naziri Mark Karni ilə də görüşəcəyini deyib.
Qeyd edək ki, hər üç ölkə gələn yay keçiriləcək futbol üzrə Dünya Kubokuna birgə ev sahibliyi edəcək.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
