Mənfur ermənilər qəsbkarlıq, işğalçılıq siyasətini bu gün də davam etdirirlər
Bakı, 30 mart (AZƏRTAC). Martın 30-da Bakı Dövlət Universitetində (BDU) 31 mart - Azərbaycanlıların Soyqırımı Gününə həsr olunmuş tədbir keçirilmiş, şəhidlərin xatirəsi anılmışdır.
AZƏRTAC xəbər verir ki, tədbirdə BDU-nun rektoru, Milli Məclisin deputatı, akademik Abel Məhərrəmov qəsbkar ermənilərin “Böyük Ermənistan” yaratmaq xülyası ilə zaman-zaman işğalçılıq siyasəti apardıqlarını, azərbaycanlılara qarşı soyqırımı aktı həyata keçirdiklərini diqqətə çatdırmışdır.
1918-ci ilin mart-aprel aylarında mənfur ermənilərin Bakıda, Şamaxıda, Qubada, ölkəmizin digər şəhər və rayonlarında törətdikləri qanlı hadisələrin dəhşətlərindən danışan rektor bildirmişdir ki, azğın düşmən bu hadisələr zamanı 50 mindən çox azərbaycanlını qətlə yetirmiş, kəndləri, qəsəbələri, şəhərləri talan etmişdir.
Akademik A. Məhərrəmov ümummilli lider Heydər Əliyevin təşəbbüsü ilə ilk dəfə bu qanlı qırğına tarixi, siyasi və hüquqi qiymət verildiyini bildirmişdir.
Bədnam ermənilərin bu gün də öz çirkin niyyətlərindən əl çəkmədiklərini diqqətə çatdıran rektor düşmən tərəfindən işğal edilmiş torpaqlarımızın Azərbaycan Prezidenti İlham Əliyevin apardığı siyasət nəticəsində tezliklə azad olunacağına əminliyini vurğulamışdır.
Professorlar Anar İsgəndərov, Qüdrət İsmayılzadə və digər alimlər də ermənilərin torpaqlarımızda törətdikləri vəhşiliklərdən bəhs etmiş, faciənin heç zaman qan yaddaşımızdan silinməyəcəyini bildirmişlər.
Bölmənin digər xəbərləri
