Bakı, 18 sentyabr, AZƏRTAC

Bu gün bizim üçün çox əziz olan Milli Musiqi Günüdür və Şərqin böyük bəstəkarı Üzeyir bəyin doğum günüdür. Hər il mədəniyyət xadimləri məhz bu səbəbdən Fəxri xiyabanda onun ziyarətinə gəlir. Bu gün münasibətilə bir sıra tədbirlər təşkil olunur.

Bunu AZƏRTAC-a açıqlamasında Xalq artisti Mənsum İbrahimov söyləyib.

“Bütün musiqiçilər bundan yüz illər sonra da Üzeyir bəyin qoyub getdiyi irsdən bəhrələnəcəklər. Otuz ildir məhz dahi Üzeyir bəyin əsərinin ifaçısı olduğum üçün özümü şanslı hesab edirəm. Biz musiqiçilərin Üzeyir bəyə mənəvi borcu var. Üzeyir bəy hər zaman böyük hörmət və ehtiramla xatırlanacaq, anılacaq, ehtiramla yad olunacaq”, - deyə Xalq artisti qeyd edib.