MƏTBUAT FAKTLARI TƏHRİF ETMƏMƏLİDİR
TURAN informasiya agentliyinin aprelin 1-də çap olunmuş siyasi xəbərlər bülleteninin II sayındakı “Səudiyyə Ərəbistanı səfiri kral Fəhd bin Əbdüləziz əl-Səudun məktubunu İlham Əliyevə təqdim edib” başlıqlı xəbərə “Azadlıq”qəzeti 2 aprel tarixli sayında redaksiya müdaxiləsinə yol vermişdir. Belə ki, qəzetin həmin nömrəsində agentliyin xəbərindəki “Səudiyyə Ərəbistanı Azərbaycanın ərazi bütövlüyünü tanıyır” cümləsindən sonra redaksiya “Amma Murtuz Ələsgərov deyir ki, tanımır” cümləsini əlavə etmişdir.
TURAN agentliyi onun yaydığı xəbərlərə müdaxilə etdiklərinə və təhriflərə yol verdiklərinə görə qəzet redaksiyalarına, baş redaktorlara dəfələrlə xəbərdarlıq etmişdir. TURAN bir daha qəzet redaksiyalarını agentliyin müəlliflik hüquqlarını pozmamağa və onun xəbərlərinə müdaxiləyə etməməyə çağırmışdır.
Bölmənin digər xəbərləri
