MHL-in pley-off mərhələsində mübarizə davam edir
Bakı, 17 avqust, AZƏRTAC
Milli Hokkey Liqasının (MHL) pley-off mərhələsində mübarizə davam edir.
AZƏRTAC xəbər verir ki, “Çikaqo Blekhouks” seriyanın 4-cü görüşündə “Veqas Qolden Nayts”la qarşılaşıb.
Edmontonda keçirilən oyunun ilk hissəsini Çikaqo hokkeyçiləri 2:1 hesabı ilə öndə başa vurublar. Fasilədən sonra tərəflərin qapılar qarşısında yaratdığı ardıcıl təhlükəli vəziyyətlər nəticəsiz qalıb. Həlledici hissədə isə “Çikaqo Blekhouks” komandası daha bir qol vurmaqla 3:1 hesabı ilə qələbə qazanıb.
Seriyada da eyni hesabla irəlidə olan Çikaqo təmsilçisi növbəti görüşdə qalib gələcəyi halda dörddəbir finala vəsiqəni təmin edəcək.
Bölmənin digər xəbərləri
