MİLLİ ELMLƏR AKADEMİYASINDA BEYNƏLXALQ ELMİ KONFRANS
Aprelin 23-də Azərbaycan Milli Elmlər Akademiyasında “Energetikanın texniki və fiziki problemləri” mövzusunda birinci beynəlxalq konfrans öz işinə başlamışdır.
MEA-nın Fizika İnstitutunun, Azərbaycan Elmi Tədqiqat Energetika və Enerjilayihə İnstitutunun İranın Təbriz şəhərindəki Azərbaycan Tərbiyət Müəllim Universiteti ilə birlikdə keçirdiyi konfransda 11 ölkənin nümayəndələri iştirak edirlər.
MEA-nın prezidenti Mahmud Kərimov konfransı açaraq, onun görkəmli alim, akademik Çinqiz Cuvarlının xatirəsinə həsr olunmasını Azərbaycan elminə verilən yüksək qiymət kimi dəyərləndirdi, iştirakçılara uğurlar arzuladı.
İranın Bakıdakı səfiri Əhəd Qəzai belə tədbirlərin ölkələrimiz arasında elmi əməkdaşlığının inkişafında mühüm rolu olduğunu vurğuladı.
BDU-nun rektoru, MEA-nın müxbir üzvü Abel Məhərrəmov, “Azərenerji” Səhmdar Cəmiyyətinin prezidenti Etibar Pirverdiyev, xarici qonaqlar çıxış edərək, Ç.Cuvarlının elmi xidmətlərindən, konfransın əhəmiyyətindən danışdılar.
Konfrans aprelin 25-də başa çatacaqdır.
Bölmənin digər xəbərləri
