MİLLİ MƏCLİSİN MƏDƏNİYYƏT MƏSƏLƏLƏRİ DAİMİ KOMİSSİYASININ İCLASI KEÇİRİLMİŞDİR
Komissiyanın sədri Nizami Cəfərov demişdir ki, Azərbaycan Prezidentinin qanunvericilik təşəbbüsü ilə parlamentə göndərdiyi qanun layihəsi ölkəmizin qeyri-maddi mədəni irsinin qorunmasına xidmət edir. Sonra o, qeyri-maddi mədəni irsin qorunması istiqamətində görülən işlərdən danışmış, bu sahədə Azərbaycan Mədəniyyətinin Dostları Fondunun prezidenti, YUNESKO-nun xoşməramlı səfiri, Milli Məclisin deputatı Mehriban xanım Əliyevanın xidmətlərini xüsusi qeyd etmişdir. Bildirmişdir ki, bu Konvensiyaya qoşulmaq da məhz Mehriban xanımın təşəbbüsüdür. Sənədi təsdiq etməklə biz xalqımızın zəngin qeyri-maddi mədəni irsinin qorunması istiqamətində daha bir mühüm addım atmış olacağıq.
Müzakirələr zamanı deputatlar Konvensiyanın ayrı-ayrı maddələri barədə fikirlərini bildirmiş, milli mədəni sərvətlərimizin qorunmasında və gələcək nəsillərə çatdırılmasında Mehriban Əliyevanın xidmətlərini yüksək qiymətləndirmiş, sənədin Azərbaycanın milli maraqlarına tam cavab verdiyini xüsusi vurğulamışlar.
Sonda qanun layihəsi təsdiqlənmək üçün Milli Məclisin müzakirəsinə tövsiyə olunmuşdur.
Bölmənin digər xəbərləri
