Milli Qurtuluş Günü Azərbaycan tarixinin ən şərəfli səhifələrindən biridir
Bakı, 13 iyun (AZƏRTAC). Azərbaycan Milli Elmlər Akademiyasının (AMEA) Yusif Məmmədəliyev adına Neft-Kimya Prosesləri İnstitutunda 15 iyun - Milli Qurtuluş Günü münasibətilə tədbir keçirilmişdir.
İnstitutdan AZƏRTAC-a bildirmişlər ki, tədbiri giriş sözü ilə açan institutun direktoru, AMEA-nın müxbir üzvü Vaqif Abbasov Milli Qurtuluş Gününün tarixi əhəmiyyətindən danışmışdır. O, müstəqil dövlətimizin qurulmasında və möhkəmlənməsində ümummilli lider Heydər Əliyevin misilsiz xidmətlərindən və Ulu Öndərin hakimiyyəti illərində əldə olunmuş nailiyyətlərdən söhbət açmışdır. Alim vurğulamışdır ki, 15 iyun Azərbaycan tarixinin ən şərəfli səhifələrindən biridir və ölkəmizdə geniş qeyd edilir.
Sonra Milli Məclisin deputatı Aqil Abbas Milli Qurtuluş Gününün böyük əhəmiyyətindən söz açaraq, bu günün Azərbaycan xalqı üçün çox önəmli bir tarix olduğunu vurğulamışdır.
Tədbirdə çıxış edən institutun əməkdaşları ulu öndər Heydər Əliyevin memarı və qurucusu olduğu müasir Azərbaycan dövlətinin müxtəlif sahələrdə qazandığı nailiyyətlərdən danışmış, bu misilsiz inkişafın təməlinin 21 il əvvəl, 1993-cü il iyunun 15-də qoyulduğunu bildirmişlər.
Bölmənin digər xəbərləri
