Milli Qurtuluş Günü hər bir azərbaycanlının yaddaşında həkk olunan tarixi günlərdən biridir
Cəlilabad, 14 iyun (AZƏRTAC). Cəlilabad Rayon İcra Hakimiyyətində 15 İyun - Milli Qurtuluş Gününə həsr olunmuş toplantı keçirilmişdir.
AZƏRTAC xəbər verir ki, tədbir iştirakçıları əvvəlcə ulu öndər Heydər Əliyevin abidəsi önünə gül dəstələri düzərək xatirəsini ehtiramla yad etmiş, Heydər Əliyev Mərkəzində dahi rəhbərin həyat və fəaliyyətini əks etdirən eksponatlarla tanış olmuşlar.
Toplantıda çıxış edənlər rayon sakinlərini əlamətdar gün münasibətilə təbrik etmişlər. Qeyd olunmuşdur ki, 15 İyun - Milli Qurtuluş Günü hər bir azərbaycanlının taleyində, yaddaşında həkk olunan tarixi günlərdən biridir.
Bildirilmişdir ki, ulu öndər Heydər Əliyevin ikinci dəfə siyasi hakimiyyətə gəlməsi Azərbaycanın dövlət müstəqilliyinin itirilməsinin qarşısını almış, ölkəmizi vətəndaş müharibəsi təhlükəsindən xilas etmişdir. Aparılan islahatlar nəticəsində Azərbaycan sürətli inkişaf yoluna qədəm qoymuşdur. Xalqın maddi və mənəvi həyat səviyyəsi gündən-günə yaxşılaşmış, ölkəmiz dünya birliyində layiqli yerlərdən birini tutmuş, onun beynəlxalq nüfuzu artmış, müstəqilliyimiz dönməz və əbədi olmuşdur.
Toplantıda çıxış edənlər 2013-cü ilin 15 iyun tarixinin ölkəmizin siyasi həyatındakı əhəmiyyətini yüksək qiymətləndirmiş, həmin dövrdə ulu öndər Heydər Əliyevin Azərbaycanda başladığı böyük quruculuq işlərinin Prezident İlham Əliyev tərəfindən uğurla davam etdirildiyini diqqətə çatdırmışlar.
Bölmənin digər xəbərləri
