Mingəçevirdə 20 Yanvar faciəsi ilə bağlı elmi-nəzəri konfrans keçirilmişdir
Mingəçevir, 17 yanvar (AZƏRTAC). Azərbaycan Müəllimlər İnstitutunun Mingəçevir filialında 20 Yanvar faciəsinin 23-cü ildönümünə həsr edilmiş “20 Yanvar hadisələri Azərbaycan xalqı üçün həm qəhrəmanlıq, həm də böyük faciə səhifəsidir” mövzusunda elmi-nəzəri konfrans keçirilmişdir.
AZƏRTAC xəbər verir ki, şəhər icra hakimiyyətinin, idarə, müəssisə və təşkilat rəhbərlərinin, müəllim və tələbələrin iştirak etdikləri tədbirdə Azərbaycanın müstəqilliyi və ərazi bütövlüyü uğrunda şəhid olmuş insanların əziz xatirəsi bir dəqiqəlik sükutla yad edilmişdir.
Konfransda çıxış edənlər şəhidlərin keçdikləri şərəfli yoldan bəhs etmiş, faciənin əsl mahiyyətini xatırlatmışlar. Bildirilmişdir ki, o qanlı gecədə düşmən gülləsinə tuş gələn Vətən övladları şəhidlik zirvəsinə ucalmışlar. Tədbirdə “20 Yanvar xalqımızın milli qəhrəmanlıq salnaməsidir”, “20 Yanvar soyqırımı həm milli faciə, həm də milli qəhrəmanlıq səhifəsidir”, “20 Yanvar Azərbaycan xalqının tarixində dönüş nöqtəsidir” mövzusunda məruzələr dinlənilmişdir.
Bölmənin digər xəbərləri
