Mingəçevirdə 20 Yanvar faciəsi qurbanlarının xatirəsi yad edilir
Mingəçevir, 17 yanvar (AZƏRTAC). Xalqımızın qan yaddaşına əbədi həkk olunmuş 20 Yanvar faciəsinin 23-cü ildönümü ilə bağlı Mingəçevir şəhərində silsilə tədbirlər keçirilir.
AZƏRTAC xəbər verir ki, təsdiq edilmiş tədbirlər planına uyğun olaraq yanvarın 10-dan başlayaraq idarə, müəssisə və təşkilatlarda, ümumtəhsil, peşə, ali və orta ixtisas məktəblərində inşa yazısı və şeir müsabiqələri, idman yarışları keçirilir, xatirə gecələri, “dəyirmi masa”lar, 20 Yanvar hadisələrinin şahidləri ilə görüşlər təşkil edilir.
Muzey və kitabxanalarda 20 Yanvar faciəsinə həsr olunmuş guşələr yaradılmış, foto, rəsm, kitab sərgiləri açılmışdır və hazırda ədəbi-bədii kompozisiyalar nümayiş etdirilir. Şəhərin bütün təhsil ocaqlarında faciə ilə bağlı xüsusi dərslər keçilir.
Yanvarın 20-də Mingəçevir sakinləri şəhərdəki Şəhidlər xiyabanını ziyarət edəcək, faciə qurbanlarının xatirəsini bir dəqiqəlik sükutla anacaqlar.
Bölmənin digər xəbərləri
