Misir ordusu 40 terrorçunu məhv edib
Qahirə, 8 dekabr, AZƏRTAC
Misir ordusunun Sinay yarımadasının şimalında keçirdiyi antiterror əməliyyatı zamanı 40 terrorçu məhv edilib.
AZƏRTAC xəbər verir ki, bu barədə Misir Silahlı Qüvvələrinin Baş Qərargahı məlumat yayıb.
Məlumatda bildirilib ki, terrorçuların yerləşdiyi 437 sığınacaq da bombalanıb. Ümumilikdə isə iyul ayından etibarən keçirilən antiterror əməliyyatlarında Sinay yarımadasının şimalında gizlənən 77 terrorçu zərərsizləşdirilib. Misir ordusunun ölkənin şimal və cənub sərhədlərində silahlı qruplaşmalara qarşı əməliyyatları davam edir.
2013-cü ildən sonra Misirdə mərhum Prezident Məhəmməd Mursinin bir çox tərəfdarları silahlanaraq Sinay yarımadasında hökumətə qarşı mübarizəni davam etdirirlər. İndiyədək paytaxt Qahirə də daxil olmaqla müxtəlif şəhərlərdə 1500-ə yaxın terrorçu həbs edilib, onların liderləri isə edam olunub.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
